Hversvegna heræfingar sem kosta tugi miljóna ? Hvers vegna að beina kastljósinu að Íslandi ?

Mér finnst ömurlegt að vita af þessum heræfingum, sem beina augum alls heimsins að okkur, sér í lagi þessa heims, sem er alltaf að reyna koma höggi á hinar staðföstu þjóðir. Við eru ennþá í þeim hópi, eða ég veit ekki betur.Við höfum ekkert að gera með að vera í einhverju hernaðarbandalagi.

Getum við aldrei orðið sjálfstæð þjóð og bara hlutlausir vegna hernaðarmála, var þessi uppákoma núna í KEF með heræfingu kannski skilyrði hjá þessum þóðum um  væntanlegan stuðning vegna kosninga í öryggisráðið. Hver ætli verði fulltrúi okkar þar ef af verður. Það skyldi þó aldrei verða Björn Bjarnarsson.

Þetta er bara eitthvað sem lítill fugl kvíslaði í eyra mitt í Keflavík í morgun.

Þetta finnst mér.

Athugasemdir

[Hans Haraldsson (IP-tala skráð) 15.8.2007 kl. 22:31]

Ísland hefur þegar reynt óvopnað og einhliða hlutleysi á árunum 1918-1949. Það virkaði á meðan ekkert gerðist en um leið og ástandið varð ótryggt datt engum í hug að virða þetta hlutleysi okkar. Hvorki Bretum né Þjóðverjum datt það í hug í seinni heimstyrjöldinni og Rússar gerðu sig ekki líklega til þess á eftirstríðsárunum.  

Samanburður við Sviss er ekki gildur þar sem þeirra hlutleysi er mjög vel vopnað og samningsbundið. Þegar átök hafa staðið í nágrenni Sviss hafa þeir getað neitað stríðsaðilum um afnot af þeirra yfirráðasvæði. Þeir eru skuldbundnir skv. sínum hlutleysissamningum til að kyrrsetja allar hersveitir og flugvélar sem villast inn á þeirra yfirráðasvæði. Ísland hefur ekki burði til að koma sér upp herstyrk á borð við Sviss og því getur landið ekki verið hlutlaust með sama hætti.

Tugir miljóna í þennan málaflok eru ekki neitt. Það eru fá lönd í heiminum sem verja minna en 1% af VLF til varnarmála. Í okkar tilviki myndi það gera rúma 11 miljarða á ári. NATO hefur verið að þrýsta á smærri ríki bandalagsins að halda í það minnsta sig yfir 2% af VLF, það væru því rúmir 22 miljarðar á ári í okkar tilviki.

Það eru mörg lönd í heiminum sem myndu örugglega vilja vera "bara hlutlaus vegna hernaðarmála". Það er bara ekki hægt í þessum heimi og verður ólíklega hægt á meðan við lifum.

[Guðmundur Óli Scheving, 15.8.2007 kl. 23:30]

Sæll Hans Haraldsson.

Í dag er árið 2007 og miklar breytingar hafa orðið frá 1918 - 1949.

Ég spyr bara afhverju þurfum við þennan málaflokk hernað ?

Þú færir því miður engin rök fyrir okkar þátttöku í þessum hernaðar æfingu.

Mér finnst orð þín bara töluð úr fortíðinni. Takk samt fyrir þitt innlegg.

Guðmundur Óli

[Hans Haraldsson (IP-tala skráð) 16.8.2007 kl. 00:04]

Reyndar snýst æfingin að nokkru um varnir gegn hryðjuvekum og gegn þeim verður að vera viðbúnaður hérna eins og annarstaðar. Við erum með ýmislegt hér sem gæti freistað hryðjuverkamanna (t.d sendiráð og ferðamenn) og ef auðveldara er fyrir þá að athafna sig hér en annarstaðar erum við að gefa þeim ástæðu til að koma hingað.

Viðbúnaði gegn hryðjuverkum gætum við þó haldið úti sjálf. Önnur mikilvæg ástæða fyrir því að stunda æfingar með NATO er sú að hún undirstrikar aðild okkar að bandalaginu og varnarskuldbindingu þess gagnvart okkur. Nú þurfum við ekki að hafa áhyggjur af neinni stórri ógn en það datt engum það í hug 1930 að "vinaþjóð" okkar, Þjóðverjar, yrðu ógn nokkrum árum seinna. Fáir gerðu sér grein fyrir því að Rússar yrðu brátt ógn árið 1945. Ætli sagan sé orðin fyrirsjáanlegri núna, árið 2007? 

Það má vera að þér þyki þetta allt vera rök "úr fortíðinni" en það er nú einu sinni þannig að við sjáum ekki framtíðina. Það er reyndar gildasta ástæðan fyrir því að hafa varnir.