Allir flutningabílar á undanþágu vegna lengdar !!!!?????

Ég fór til Akureyrar akandi á föstudaginn, og var á þannig tíma að ég mætti allri flutningalestinni að norðan og víðar og þurfti að kljást við flutningalestina sem var á sömu leið og ég norður.

Það sem vakti óhug hjá mér og bara hræðslu var að öll þau ökutæki sem ég fór fram úr og í daglegu tali eru kölluð flutningabílar voru með tengivagna aftur í sér og voru með sér merkingu með 80 km hámarkshraða og undanþágu vegna lengdar.

Þetta voru 40 feta bílar með 40 feta tengivagn aftan í sér. Hvað er að gerast eiginlega spyr ég, 80 feta geymslurými á 80 -100 km hraða og möguleiki á flutningsgetu 60 - 100 tonn.

Þetta gengur bara ekki að láta þessu ökutæki vera á ferðinni þegar ferðalangar og einkabílar eru mest á ferðinni.

Það má samt segja þessum bílstjórum til hróss að þeir hleypa mönnum fram úr, en það er ekki geðslegt að fara fram úr þessum bílum og sjá tengivagninn rása við hliðina á sér.

Þessir bílar eiga að vera á ferðinni frá miðnætti og til 7 á morgnana, það á bara að vera þeirra tími og fyrirtæki verða bara að laga sig að svoleiðis aðstæðum.

Samgönguráðherran ætti bara að skoða þessi mál alvarlega áður en það verður alvarlegt slys að völdum þessara ökutækja.

Það varð nú slys á gatnamótum Akranes og Vesturlandsvegar á fimmtudaginn þar sem bíll með tengivagn misti allt af tengivagnum yfir á rangan vegahelming og út fyrir veg..

En Það slasaðist engin en þetta er bara eitthvað sem getur gerst.

Það þarf að skoða þessi mál.