Sjómannadagurinn í skugga valdagræðgi sægreifanna !

Það er af sem áður var að sjómannadagurinn væri hátíðisdagur allra sjómanna.

Í dag eru nokkur skip á sjó og ákveðnir útgerðarmenn reyna að eyðileggja samstöðu og lögbundinn frídag sjómanna með óbilgirni og skrumi.

Verst er þessi þróun á Akureyri, en þar voru engin hátíðarhöld í dag. Þvílík skömm finnst mér. Það er auðvitað ekkert skrítið því einn stærsti útgerðaraðili á landinu ,sem neitaði að taka þátt í hátíðarhöldum þar  í dag, er með skip á sjó á þessum degi.

Sami aðili reynir líka á þessum sama tíma að leggja eina farsælustu verstöð landsins í rúst með því að ætla að kaupa aflaheimildir Vestmannaeyjinga og flytja þær í burt.

Hvað er ekki búið að gerast á Flateyri.

Ég held að nú sé kominn tími til að taka þessar aflaheimildir af sægreifunum og setja lög um að aflaheimildir verði óseljanlegar og verði fastar heima í héraði og úthlutað til heimamanna á viðkomandi stað.

Og ef viðkomandi heimahéröð nýta ekki allan kvótan sem þeir fengu fer hann í sameiginlegan pott.

Ég held að það væri ráðlegt að umframkvótanum yrði komið fyrir í sameiginlegum þjóðarpotti. sem hver og einn gæti síðan boðið í .

En fyrst og fremst yrði byggðalögunum tryggður afli fyrir vinnslufyrirtækin í héraðinu.

Ég held að Mattías Bjarnasson hafi talað tæpitungulaust á þessum nótum í dag..

Stjórnvöld og alþingismenn ættu að fara að hlusta á mann eins og Mattías Bjarnasson.

Það finnst mér.