Villi og Gilli voru meira traustvekjandi hjá Spaugstofunni forðum en á blaðamannafundi í ráðhúsinu í dag.

Ég eiginlega hló mig máttlausan af leiksýningu Borgarstjórnarflokks Sjálfstæðisflokksins í dag.

Þetta var bara pínlegt að sjá hve allir voru glaðlegir og mikil sátt ríkti eða hitt þó heldur.

Þegar Gísli Marteinn og Vilhjálmur töluðu kom ekkert annað upp í huga minn hvernig Spaugstofan túlkaði samskipti þeirra Gísla og Vilhjálms í prófkjörsslagnum forðum með persónununum Gilla og Villa.

Það er alveg klárt að borgarfulltrúar Sjálfstæðisflokksins hafa orðið undir í viðureigninni um réttlætið, Vilhjálmur Þ Vilhjálmsson kemur öllu sínu klúðri yfir á starfsmenn Orkuveitunnar. 

Og sama er að segja um Björn Inga Hrafnsson, þetta var starfsmönnum Orkuveitunnar að kenna segir hann.

Hverskonar menn eru þetta eiginlega sem hafa verið kosnir í borgarstjórn ,maður er bara alveg kjaftstopp núna.

Vona bara að þessir starfsmenn Orkuveitunar verji sig fyrir þessu mannorðsmorði sem þessir pólitíkusar eru búnir að gera þeim.

Þetta finnst mér.