Nú á að eyðileggja áramótaskaupið! Búið að eyðileggja Spaugstofuna !

Hverskonar fólk er þetta eiginlega sem búið er að ráða í áhrifastöður hjá Ríkisútvarpinu -Sjónvarpi.

Ekkert er lengur heilagt í hefðbundnum dagskrárliðum á jólum og áramótum. Allar góðar hefðir látnar róa fyrir aurapúkan.

Spaugstofan er búin að vera og hefur bara ekki náð sér á strik síðan Randver var látinn hætta.

Nú á að rjúfa áramótaskaupið með auglýsingum. Hverskonar ósvífni er þetta eiginlega.

Væri ekki nær að setja þessa auglýsingu sem er svona mikilvæg í Aftansönginn á aðfangadag, eða i ávarp Forsætisráðherrans á því kvöldi, eða í ávarp Forseta Íslands á Nýjársdag.

Það er búið að eyðileggja Kastljósið fyrir löngu síðan með auglýsingum og bulli.

Næst verður hætt að lesa jólakveðjur til sjómanna af því að það eru svo fáir á sjó og síðan bara almennar kveðjur. Eða að þessir ráðamenn RUV láta einhverja rappakveðjurnar, eða álíka.

Bráðum verða engar hefðir eftir í fastgrónum dagskrárliðum sem fólki hefur þótt vænt um í gegnum tíðina, þetta er bara ósvífni af þessum nýju stjórnendum RUV.

Skammist ykkar.

Þetta finnst mér.