Rjúfum friðhelgi Alþingismanna og Ráðherra og sækjum þá til saka !

Nú er komin upp ein bilunin enn í Grímseyjarferjunni og hún er komin til Akureyrar til viðgerðar og breytingar.

Er ekki bara nóg komið verða ekki einhverjir að bera ábyrgð ?

Ég vil meina að það eigi að rjúfa friðhelgi þeirra þingmanna, sem stóðu að samþykktum fyrir kaupum á þessu skrapatóli sem þetta skip Sæfari  er.

Og líka rjúfa friðhelgina af ráðherraanum honum Árna Matt, sem virðist bara skilja eftir sig slóð spillingar hvar sem hann fer. Hann gaf út óútfyllta ávísun  vegna viðgerða á ferjunni umfram fjárheimildir Alþingis.

Og líka taka friðhelgi af Forseta Alþingis vegna þessara afglapa sem hann stóð fyrir sem ráðherra Samgöngumála í síðustu ríkistjórn. Hann bar ábyrgð á ráðgjöfunum sem valdir voru hann bar ábyrgð á Vegagerðinni

Allir þessir ráðgjafar sem gáfu sín ráð fyrir tugi miljóna og hafa sennilega ekki einu sinni skoðað ferjuna nema á úreltum teikningum. Drögum þá til ábrygðar líka.

Hvar er nú rökhyggjan og málflutningur þess sem situr í stóli Samgönguráðherra í dag, en hann var iðinn við að láta í sér heyra um þessi mál áður enn hann var gerður að ráðherra.

Ekkert heyrist í dag í þessum manni honum Kristjáni Möller, ekki orð, nú er þetta bara í lagi.

Nú er komið upp á borðið að Samfylkingin er bara tilbúin að taka þátt í þessari spillingu sem Sjálfstæðisflokkurinn  stendur fyrir og hefur staðið fyrir.

Það er í lagi núna að skattborgarnir fá bara reikningin.

Skattborgara eins og aldraðir og öryrkjar, þar eru bara hækkaðar álögur á þá t.d í heilbrigðiskerfinu.

Þetta er ekki í lagi Árni Matt,Sturla Böðvars og Kristján Möller eruð þið bara alveg siðblindir eða hvað ?.

Hvar er íslenska réttarkerfið eiginlega ?

Þetta finnst mér.

Brunagildrur á vegum Reykjavíkurborgar um alla borg !!!!!

Reykjavíkurborg ætlaði að hirða öll jólatré af götum borgarinnar frá 7. -11. janúar en gerði það ekki.

Einhverjir vitfirringar drógu jólatré af götunni og inn í undirgang við Elliheimilið Grund og kveiktu í.

Nokkur hætta skapaðist þar sem eldurinn náði að læsa sig í klæðningu í undirganginum.

Og heilmikið tjón hlaust af.

Er ekki ábyrgarhluti hjá Reykjavíkurborg að hirða ekki jólatrén á réttum tíma eins og auglýst er, heldur en að bíða eftir því að einhverjir brjálæðingar taki til sinna ráða.

 Þetta finnst mér.

Árni Matt kemst ekki á þing næst ! Hann verður strokaður út !

Þessum hlutum sem Árni Matt hefur boðið þjóðinni upp á síðustu dögum, ráðnngu Þorsteins Dvíðssonar, hefur verið  mótmælt af krafti alstaðar úr þjóðfélaginu. Og nú í morgun tjáði prófessor Sigurður Líndal sig um gjörðir Árna Matt í ráðningarmálinu, en Árni tekur ekki mark á svona manni heldur, eins og Sigurði Líndal. Árni þykist vita betur.

Ég segi bara skammastu þín Árni hvernig þú kemur fram við þjóðina. Hún gleymir ekki þessum gjörningi þínum það máttu bóka. Þú ert búinn að skandelra endanlega, þér verður ekki treyst framar af kjósendum sannaðu til.

Þetta finnst mér.

 

Samfylkingin er hægri Krataflokkur !

Samfylkingin lét aldeilis í sér heyra á neikvæðum nótum við ráðningu í Hæstarétt fyrir einhverjum misserum. Þegar Sjálfstæðisflokkurinn kom sínum mönnum  að í Hæstarétti með samþykki Framsóknarmanna. Sem ekkert heyrist í heldur útaf þessum ráðningum.

Og ekki heldur í þingmönnum frjálslyndaflokksins.

Eru þetta dulin samráð  flokkanna?

En á þeim tíma féllu mörg þung orð frá Samfylkingunni um þær ráðningar í Hæstarétt.

Núna heyrist ekki stuna ekki eitt einasta orð vegna ráðningar Þorsteins Davíðssonar í dómaraembætti. Samfylkingin hefur samþykkt þessa pólitísku ráðningu Davíðssonar.

Og gefur bara ekkert fyrir hvað fagnefnd um ráðninguna hefur að segja. Frekar en ráðherran sem stóð að ráðningunni. Þó að yfir 80% aðspurða í viðamikilli skoðannakönnun á vísir.is sé þeirrar skoðunar að um rökstuðningur ráðherra sér rangur eða bara bull.

Ráðning Árna Matthiasen á Þorsteini Davíðssyni, gaf Iðnaðarráðherranum að hans mati sama rétt til að ráða sinn kunningja í starf Orkumálastjóra. 

Þetta heitir spilling, spilling sem Samfylkingin hefur á stefnuskrá sinni að uppræta. En er strax búin aða gleyma.

Hvað með verkalýðshreyfinguna ? Samfylkingin hefur hingað til talið sig til verkalýðsflokka og staðið með verkalýðshreyfingunni en ekki lengur. Bara lok lok og læs á verkalýðshreyfinguna, Samfylkingin  vill ekki lagfæra  eða liðka fyrir þeim sem lökust kjörin hafa.

Það er að fjara undan þessari ríkistjórn og þó nei sennilega ekki þegar það eru tveir hægri flokkar sem stjórna landinu frjálshyggjuarmur Sjálfstæðisflokksins og hægri krataarmur Ingibjargar Sólrúnar.

Hinir skulu bara hafa hægt um sig.

Glæsilegt hjá ríkistjórninni  bæta enn einni feygðarfjöðrinni í hatt sinn.

Fyrst var ráðist á Sjómennina og fiskverkafólið og því sagt að éta það sem úti frýs.

Núna er þeim sem lægst hafa launin sagt að þau geti líka étið það sem úti frýs.

Þjóðfélaginu stefnt í uppnám og leiðindi að hætti Sjálfstæðisflokks og Krata.

Jafnaðarstefnan er látin víkja fyrir yfirgangsstefnu Sjálfstæðisflokksins. Til Hvers ?

Jú valdasýki þessara flokka er bara með  endæmum og eru einræðistilburðir hjá sumum ráðherrum skýr mynd af þeim gjörningi sem nú er að gerast í þjóðfélaginu í dag.

Þetta finnst mér.

Hann heitir Árni og segir dojojong....

Það er alveg makalaust dómgreindarleysi hjá settum Dómsmálaráðherra honum Árna Matt….., að sýna stjórnskipaðrinefnd puttan, þar sem nefndin fann ekki grundvöll fyrir ráðningu Þorsteins Davíðssonar í embætti Héraðsdómslögmans. Og hann Árni Matt… sem ekki er lögfræðingur, hefur ekki þá dómgreind sem lögfræðingur þarf að hafa til að meta hlutlægt svona ráðningar. Samt gerir hann það og með skömm.

Ég skil bara ekki í þessum Þorsteini Davíðssyni að  þiggja þessa flokkspólitískuráðningu, en hann var númer fjögur á listanum sem hæfur, að mati hæfnisnefndar, ekki númer eitt.

En hann er auðvitað umsækjandinn Þorsteinn Davíðsson og númer eitt í flokknum hans Árna Matt…..

Þetta er eitt mesta og augljósasta spillingardæmi um ráðningu í opinbert embætti í manna minnum.

Þetta finnst mér.

Dómnefnd segist sitja áfram þrátt fyrir óvandaða stjórnsýslu ráðherra

Margir af ofurbloggurunum er bara bullukollar !

Ég áttaði mig ekki á því fyrr en ég lá veikur hér heima og var að skoða bloggsíðurnar að sumir menn og konur eru að blogga og blogga mörgum sinnum á dag um allt og ekkert. Bara til að halda vinsældum og ná inn flettingum. Ég kem svo seint heim á kvöldin að ég blogga bara einu sinni á dag. Ég held að það væri nær fyrir marga hverja að blogga sjaldnar og vanda sig betur.

Þetta finnst mér.

Vildarvinapótík ríkistjórnarinnar er bara fyrsti skandall ársins og árið var að byrja !

Það er alveg makalaust hvað rökleysur og flokksskírteini geta fleytt mönnum áfram í almennilegar stöður hjá hinu opinbera.

Ráðningin í Héraðsdómssætið fyrir norðan er bara niðurlæging fyrir mun hæfari menn, samkvæmt faglegumati mun lærðari manna, en fjármálaráðherran er.

Ráðherran ræður þegið þið hin bara. Ráðherran gengur erindi  flokksvina Sjálfstæðisflokksins án tillits til hæfni umsækjanda með ráðningu þess sem búið er að ráða þetta sjá allir nema Fjármálaráðherran enda er hann ekki Lögfræðingur.

Ráðning flokksgæðings og vinnufélaga Iðnaðarráðherrans forðum daga, er gott dæmi um kvennfyrilitningu og hroka og í andstöðu við stefnu Samfylkingarinnar um kynjajöfnuð  við stjórnunarstörf.

Ráðning Iðnaðarráðherrans í embætti Ferðamálastjóra er líka út úr korti miðað við þær kröfur til starfsins sem gerðar voru í auglýsingu ráðuneytisins. Þar eru farnar allar aðrar leiðir en viðmið og hefðbundar kröfur hafa verið um ráðningu í embætti undir því ráðuseyti.

Síðan er ráðin uppgjafaþingmaður og settur yfir fangelsið á Litla Hrauni, manneskja sem ekki hefur neina menntun á sviði fangelsismála. En hún kann að rækta plöntur og sjá um kálgarðana innan fangelsisins. Það eru sennilega rössemdarfærslan fyrir ráðningu hennar í embætti fangelsisstjóra á Litla Hrauni.

Mér líst rosalega vel á allt þetta hjá ráðherrunum, sýnir bara hvað hin pólitíska spilling er djúp og sifeðrið á lágum mælikvarða hjá þeim.

Það er gott að þekkja ráðherra.

Þetta finnst mér.

 

Frjálslyndir og óháðir sprengja meirihlutasamstarfið í Borgarstjórn Reykjavíkur á árinu !

Ólafur F. Magnússson á eftir að sprengja meirihlutan í Borgarstjórn Reykjavíkur, svo mikið bil er á milli hans og ákveðina borgarfulltrúa Samfylkingar og Framsóknar í mörgum lykilmálum fyrir Ólaf Magnússon. Að enginn möguleiki er á málamiðlunum í þeim málum.

Þetta skeður mjög fljótlega á árinu. Ég ætla ekki að nefna þessi mál sem strandar á.

En þessi mál  eru skýring hversvegna ekki liggur fyrir málefnasamningur milli flokkanna.

Og menn geta bara sjálfir farið ofan í málefnalista og baráttumál þessara flokka og síðan Sjálfstæðisflokksins. það verður kosið á þessu ári, það er alveg víst.

Þetta finnst mér.

Rök Iðnaðarráðherrans vegna ráðningar Orkumálastjóra alveg út úr korti !

Iðnaðarráðherran hefur látið skoðun sína í ljós við fjölmiðla vegna ráðningar nýs Orkumálastjóra.

Þar tíundar ráðherran að það sem ekki var óskað eftir í auglýsingunni, hafi ráðið  úrslitum sínum við ráðningu í embættið.

1. Að umsækjandi ætti helst að vera karl.

2. Að umsækjandi ætti að vera prófersor

3. Að umsækjandi ætti að hafa verði í keppnum um heiminn sem prófersor

4. Að umsækjandi ætti að vera prófersor við Háskóla Íslands

5. Auglýsingin er nú bara staðlað plagg sem lesa þarf í gegnum línurnar með.

Þetta finnst mér.

Fyrirtækin eiga að borga meira !

Ég er mjög ánægður að sjá að Vilhjálmur Egilsson vill að hagnaður fyrirtækja verði notaður til að hækka laun manna um 3 % og hækka lámarkslaun um hvað spyr ég ? 

Það virtist alveg gleymast að nefna % fyrir lámarkslaunin.

Skrítin þessi % líking þegar fyrirtæki eru að hagnast um þetta 100 - 5000% þá er ekki ástæða til að hækka laun nema um 3%, ekki alveg að gera sig Vilhjálmur.

Það ætti að vera lámarkskrafa að lámarkslaun yrðu lögfest 180.000. Þá mætti Vilhjálmur hækka laun fólks um sín 3 % til viðbótar.

Það er líka forsætisráðherranum til lítils sóma að að vilja ekki nota þá tugi miljarða sem verða í tekjuafgang á fjárlögum til að hækka persónuafslátt um 20.000 kr til láglaunafólks.

Þetta finnst mér.

Aukinn persónuafsláttur kostar 40 milljarða