Ólafur F. Magnússon gerir út á veikindi sín !

Ólafur F.Magnússon hefur margoft sagt það í fjölmiðlum, þegar hann kom til baka úr veikindafríi og eins þegar mestu lætin voru í kringum valdaránið, að hann sé heill heilsu.

Og því hef ég trúað hingað til og bjóst ekki við að hann léti undan þeim öflum sem dregið hafa upp hinu ýmsu myndir af honum og hans veikindum.

Hverjum kemur þetta við nema honum sjálfum.

Og hann hefur meira að segja verið niðurlægður af fyrrum samverkamönnum sínum þar sem þau kröfðust heilbrigðisvottorðs af Ólafi F. Magnússyni sem hann lét þeim í té.

Ólafur F. Magnússon  er samkvæmt þessu eini heilbrigði Borgarfulltrúinn í Reykajvík og með vottorð upp á það.

Það væri kanski ekki úr vegi að óska eftir heilbrigðisvottorðum frá öðrum Borgarfulltrúum.

 En núna bregður svo við að hann er tilbúinn að tala um veikindi sín við alla og er búinn að vera í Sjónvarpinu, og öðrum fjölmiðlum að tíunda þessi mál.

Og hvað var svo að honum ? jú andleg streita vegna stjórnmálaáreitis og skilnaðar.

Til hvers er hann að tala um þetta núna sem hann vildi ekki tala um áður ?

Er hann ekki að kaupa sér samúð fólks af því að hann er að brotna undan þessu mótlæti sem hann er búinn að koma sér í ? Ég held það.

Ég er á móti þessu valdaráni sem Ólafur F. Magnússon átti þátt í gera, en mér dettur ekki í hug að vorkenna honum, vegna þess andlega ástands sem hann er bersýnilega búinn að koma sér sjálfur í aftur.

Þetta finnst mér.

Ólafur: Aðalatriði að ég starfi af heilindum