Flóttafólk vill ekki búa í litlum bæjum !!!!

Í helgarblaði DV. er farið yfir það á bls. 14 -15  hvernig í raun flóttafólki hefur vegnað á þeim stöðum sem því hefur verið holað niður á síðustu 12 árum á Íslandi.

Árið 1996 komu 30 manns frá Krajina til Ísafjarðar þeir eru allir farnir.

Árið 1997 komu 17 manns til Hornafjarðar ein fjölskylda er þar eftir.

Árið 1998 komu 23 manns frá Krajina til Blönduós þeir eru allir farnir.

Árið 1999 komu 27 frá Kosovo til Dalvíkur þar er einn eftir.

Árið 1999 komu 25 frá Kosovo  til Hafnarfjarðar engin veit hvað hefur orðið um þá.

Árið 1999 komu 23 frá Kosovo til Fjarðarbyggðar þeir eru allir farnir.

Árið 2000 komu 24 frá Krajina til Siglufjarðar þeir eru allir farnir.

Árið 2001 komu 23 frá Krajina til Reykjanesbæjar allir eru þar ennþá.

Árið 2003 komu 24 frá Krajina til Akureyrar allir eru þar ennþá.

Árið 2005 - 2007 komu 61 frá Kólumbíu til Reykjavíkur 52 eru eftir.´

Árið 2008 er áætlað að taka 30 flóttamenn frá Palestínu til Akranes.

Ég hef fylgst með þeirri umræðu hér um komu þessara einstaklinga frá Palestínu til Akranes.

Það má segja að umræðan þar sé á mjög lágu plani og einkennist af hroka, fljótfærni og gífuryrðum.

Lætin urðu það mikil útaf þessu að bæjarstjórnin féll, og einn bæjarfulltrúana gekk úr Frjálslyndaflokknum til liðs við Sjálfstæðisflokkinn.

Eingöngu vegna þess að aðrir fjálslyndir vildu fara hægar í sakirnar þar á meðal  Félagsmálastjórinn á Akranesi.

Hann taldi að ekki hefði verið staðið nægilega vel að undirbúningi  vegna þessara flóttamanna frá Palestínu til Akranes og mörgum grundvallar spurningum ósvarað.

Ég held að það sé rétt Akranes er of lítill bær til að taka við þessu flóttafólki.

Það væri nær að Reykjanesbær, Reykjavík eða Akureyri taki við þessu flóttafólki frá Palestínu en ekki einhver krummskuð sem geta ekki uppfyllt nema að hluta þeirra skilyrða sem stór bæjarfélög geta.

Þetta finnst mér.