Davíð Oddsson mun rústa Sjálfstæðisflokknum endanlega !

Takk Davíð takk,takk,takk.

Davíð Oddsson kemur fram í hverju drotningarviðtalinu af öðru í fjölmiðlum..

Hann kemur fram hvað eftir annað með upplýsingar ,sem hefðu jafnvel breytt öllu fyrir fyrrverandi ráðamenn að vita um,  sem voru að burðast við að vinna í málunum eftir hrunið, sem Davíð Oddsson virðist hafa stjórnað með glæsibrag.

Davíð Oddsson ætlar að rústa Sjálfstæðisflokknum endanlega, hann virðist  búa yfir upplýsingum sem aðrir hafa ekki haft.

Meira segja síðast í frægu Morgunblaðsviðtali þá vitnaði hann í ýmis gögn og skýrslur, sem kom síðar í ljós að ekki voru til, en alla vega hafa þær ekki fundist ennþá.

Svo maður bara spyr sig hvað vakir fyrir Davíð Oddssyni annað en að rústa Sjálfstæðisflokknum og koma síðan inn sjálfur sem foringi á ný.

En hann áttar sig ekki á því að það er önnur kynslóð tekin við í Sjálfstæðisflokknum og verið að reyna að hreinsa svínastíuna til að koma í veg fyrir aðra frjálshyggjusvínapest aftur.

Nei ég trúi ekki einu einasta orði sem  Davíð Oddsson hefur fram að færa, hann er bara brjóstumkennanlegur ,bitur eldrimaður sem vill eyðileggja eins mikið og hann getur fyrir þjóðinni.

Er hann ekki búin að gera nóg ?

Þetta finnst mér.

Sjálfstæðiskratin Ragnheiður Ríkharðsdóttir styður ríkisstjórnina í ESB !

Fyrrum Bandalags Jafnaðarmaðurinn og síðar Bæjarstjóri Sjálfstæðismanna í Mosfellsbæ,  ætlar að styðja tillögu ríkistjórnarinnar um umsókn að ESB. Eftir því sem hún segir sjálf.

En félagar hennir flestir í Sjálfstæðisflokknum ætla að fella tillöguna.

Já það er er mjög stutt í jafnaðarmanninn Ragnheiði Ríkharðsdóttur  en ég held að hún muni standa núna með Sjálfstæðismönnum og fella tillöguna.

Hún er nú líka þessi týpa að þurfa mikla athygli eins og sumir þessara þingmanna sem nýkomnir eru á þing.

Það er ekki nóg að segja þetta fyrir afgreiðslu tillögunar það gildir eingöngu þegar hún ýtir á hnappinn.

Vona bara að hún haldi sig við Sjálfstæðismennina og felli þessa tillögu ríkistjórnarinnar  en verði ekki að sýna einhverja takta í  jafnaðarkrata hugsjónum sem hún er augsýnilega búin að gleyma.

Ég hef ekki trú á að hún styðji  tilögur ríkisstjórnarinnar.

Þetta finnst mér.

Tvöföld atkvæðagreiðsla til ESB er lýðræði !

Birgitta Jónsdóttir þingmaður Borgarahreyfingarinnar, heldur áfram baráttu sinni fyrir lýðræðislegum vinnubrögðum á Alþingi. Hún hleypur allavega ekki af vetfangi eins og sumir þingmenn, sem hafa sömu skoðun og hún hefur, hafa gert.

Rosalegur kosnaður er samhliða þessari umsókn, ef af verður ekki undir miljarði. Já í allri kreppunni og niðurskurðinum finnst Jóhönnu Sigurðardóttur og hennar fylgisveinum mál málana aðeild að ESB.

Bullið í sumu af þessu fólki í Samfylkingu og Vinstri Grænum er bara rosalegt, það hefur komið fram margoft að við munum fá einhverja sérmeðferð vegna auðlinda okkar í vatni og sjávarútvegi og annara hluta.

Samþykktir landsfunda Vinstri Grænna í gegnum tíðina hafa verið sveigðar til með frumvarpi ríkistjórnarinnar sem VG á aðeild að og verið er að fjalla um í þinginu.

Nú horfa fyrrum nýlenduþjóðir eins og Bretar, Hollendingar, Spánverjar gæðgisaugum til auðlinda okkar eins og fiskimiða,drykkjarvatns,orkuvera og nýja olíusvæðisins austur af landinu.

Við verður ekki spurð um eitt eða neitt varðandi auðlindirnar með tímanum, ef við göngum inn í ESB.

Þetta er bara glapræði að vera að sækja um aðeildarviðræður á þessum tíma.

Þetta finnst mér.

ESB-umræða heldur áfram á Alþingi

Ábyrgðarlausir þingmenn eða hvað ?

Nýir þingmenn sem náðu kosningu í síðustu kosningum, ákváðu að yfirgefa þingfund í dag.

Annar þingmaðurinn er frá Vinstri Grænum og að eigin sögn var beittur þrýstingi frá flokksystkynum sínum í Evrópumálinu, bara lagður í einelti af flokksystkynum sínum af því að hann fór að sannfæringu sinni.

Samt neita allir flokksfélagarnir að svo hafi verið að hann hafi verið beittur þrýstingi. 

Það er því bara krafa að Ásmundur Einar Daðasson upplýsi hverjir hafa beitt hann þrýstingi, formaðurinn svór það af sér í fréttum í kvöld.

Og hann Ásmundur stóðst ekki álagið og flúði bara af vetfangi.

Annar þingmaður og  úr Sjálfstæðisflokki Ásbjörn Óttarsson ákvað líka að yfirgefa þingsalinn til stuðnings Ásmundi.

„Ég fór ekki inn á alþingi til að láta kúga mig, og hefði gert það nákvæmlega sama og Ásmundur í þessari stöðu,” segir Ásbjörn.

En hvað þetta er fallegt að sjá “bræðra kærleik” andstæðra skoðanabræðra koma svona fram á síðustu dögum þingsins fyrir sumarfrí.

Það hefði nú verið ábyrgðar meira  fyrir þessa þingmenn að gera grein fyrir atkvæði sínum og  segja bara  nei takk við atkvæðagreiðslu á þessu svo rosalega máli.

En sumir þurfa bara athygli og það tókst svo sannarlega.

En þeir eiga svo eftir að greiða þessu frumvarpi brautargengi þegar kemur að því sannið til.

Þetta finnst mér.

Fengu fálkaorðuna eftir helmingaskiptareglunni !

Tveir af þessum "snjöllu viðskiptamönnum í Útrásinni" þeir Sigurður Einarsson og  Björgólfur Guðmundsson voru  sæmdir hinni íslensku fálkaorðu eða riddarakrossinum. Sem betur fer var aðeins farið á fyrsta stig orðunar. En hverjir eru í orðunefndinni sem ákveður hver fær og hver ekki ?

Jú það eru allt þekktir einstaklingar úr athafnalífi og pólitík.

Orðunefnd skipa eftirfarandi:

Ólafur G. Einarsson, fyrrv. ráðherra og fyrrv. forseti Alþingis, formaður orðunefndar
Jón Helgason, fyrrv. ráðherra
Rakel Olsen, framkvæmdastjóri
Ólafur Egilsson, fyrrv. sendiherra
Þórunn Sigurðardóttir, stjórnarformaður UNICEF
Örnólfur Thorsson, orðuritari

Þarna er bara Sjálfstæðisflokkurinn og Framsóknarflokkurinn sem skipa orðunefnd.

Og einstaklingarnir Sigurður Einarsson, fyrrverandi Stjórnarformaður Kaupþingsbanka (áður Búnaðarbanka) og Björgólfur Guðmundsson fyrrverandi Stjórnarformaður og eigandi Landsbankans. (sem alltaf hefur verið undir hæl Sjálfstæðismanna)

En til viðbótar verður Forsætisráðherran í þessu tilfelli (Geir Hilmar Haarde) ég birti hér 3. grein orðulaga

3. gr.

Nefnd sex manna ræður málefnum orðunnar. Eftir tillögu forsætisráðherra kveður forseti Íslands fimm einstaklinga, sem sæmdir eru og bera heiðursmerki orðunnar, til setu í nefndinni til sex ára í senn. Heimilt er að endurkveðja nefndarmenn til setu í nefndinni, þó ekki lengur en til þriggja ára til viðbótar, og tilnefnir forsætisráðherra formann nefndarinnar. Ráðherra má ekki eiga sæti í nefndinni. Forsetaritari er orðuritari og skipar sjötta sætið í nefndinni. Nefndarstarfið er heiðursstarf án launa.

Þá er einig hægt að taka orðuna til baka  eins og segir í 13. grein:

13. gr.

Stórmeistari getur, að ráði orðunefndar, svipt hvern þann, sem hlotið hefur orðuna en síðar gerst sekur um misferli, rétti til að bera hana.

Og hvað hafa þessir menn ekki orðið uppvísir af en misferli. Þessir menn eiga ekkki að halda þessari viðurkenningu.

Þetta finnst mér.

Er einn ríkasti maður heims ósvífinn betlari eða skúrkur ?

Að hugsa sér, koma ekki frægir Björgólfsfeðgar fram og gera tilboð í skuldir sínar.

Og eins og málin koma fyrir sjónir almennings eru þetta ekki neinar smáskuldir.

Skrítið að maður, sem er ofarlega á lista yfir ríkustu menn í heimi, kemur skríðandi og betlandi til þjóðar sem þeir feðgar eiga stóra sök á að hafa gert gjaldþrota.

Menn sem komu sögum í gang á sínum tíma að þeirra peningar hefðu allir komið frá Rússlandi .

Já Rússapeningarnir til að kaupa m.a. Landsbankan, voru síðan ekki Rússapeningar,heldur lán frá frá Kaupþing og Glitni. Og ekki er búið að greiða neitt af því láni.

Nú er svo komið að þjóðfélagið stendur við reiðinar dyr og það munu brjótast út mikil læti í þjóðfélaginu ef skuldir þeirra Björgólfa eða bara nokkra af þessum útrásarvíkinga verða afskrifaðar um einn eyri.

“Hægt væri að leiðrétta skuldir eittþúsund heimila um tuttugu prósent í stað þess að fella niður skuldir Björgólfsfeðga segir varaformaður Hagsmunasamtaka heimilanna. Hann segir að verði af þessari niðurfellingu þá séu allir sáttmálar við fjölskyldurnar í landinu brostnir. “

Það er ekki algengt að vera prins og betlari en það er að verða mun algengara að vera betlari og skúrkur.

Hvar hafa þessar eftirlitsstofnanir eiginlega haldið sig. ?

Þetta finnst mér.

Glymur hátt í tómri.....

Birgir Ármansson þingmaður Sjálfstæðisflokksins og "yfir gjammari" og sá sem einn harðast gekk fram í að tefja fyrir stjórnlagafrumvarpinu og þingstörfum þegar minnihlutastjórnin barðist um að koma böndum á ýmsa hluti fyrir síðustu kosningar. Aðal höfundur málþófs og frammíkalla sjálfstæðisflokksins.

Er alveg steinhissa á að þinglok gætu orðið í næstu viku.

Jafnvel þó Sjálfstæðisflokkurinn hafi engar lausnir vegna ástandsins þar sem Sjálfstæðisflokkurinn ber alfarið ábyrgð á ástandinu.

Og það var Sjálfstæðisflokkurinn sem skrifaði undir yfirlýsingar um skuldaskil  Íslendinga í ICESAVE málinu.

Mér finnst þeirra þætti vera lokið í bili. Næsti þáttur er bara ákæra eða yfirheyrslur.

Og það sem sjæalfstæðisflokkurinn hefur lagt fram er bara  alstaðar hafnað, eins og t.d. tillögum þeirra um meira brask með lífeyrirsjóðina.

Þeir ætla ekki að axla neina ábyrgð.

Ekki heldur þeir þingmenn Sjálfstæðisflokksins, sem eru að dragast inn í rannsóknir Sérstaks Saksóknara vegna tengsla sinna og þáttöku í töku kúlulána og síðan niður fellingu ábyrgða og skulda eftir að hafa grætt tugi og jafnvel hundruð miljóna á braskinu.

Já þingmenn Sjálfstæðisflokksins kalla að vísu allt ömmu sína og eru verulega hissa á ,að þeir eiga  svo enga  ömmu lengur. Því hið raunverulega orðatiltak "að kalla ekki allt ömmu sína" passar ekki við Sjálfstæðismenn.

Gróa á leiti hefur leyst það orðatiltæki af hólmi .

Þetta finnst mér.

Forsetinn svíkur ekki þjóðina.

Það er alveg ljóst núna að vilji alþingismanna og þjóðarinnar fer ekki saman mikil gjá er þar á milli um ICESAVE lögin.

Svipuð gjá og varð til fyrir fimm árum þegar hann neitaði að skrifa undir mjög umdeild fjölmiðlalög.

Verði Forsetinn samkvæmur sjálfum sér  mun hann vísa ICESAVE-lögunum til þjóðarinnar,samþykki Alþingismenn lögin.

Annars er hætta á að  það verði blóðug átök í landinu og þá er ekki gott að segja hvar þessir ráðherrar og þingmenn og forsetinn geta látið sjá sig opinberlega.

Vonandi verður Forsetinn bara samkvæmur sjálfum sér og hafnar þessum ICESAVE lögum.

Skora á alla að skrifa undir áskorun til Forsetans á www.kjosa.is

Þetta finnst mér.

Davíð Oddsson er þetta "Fokking Fokk" sem menn tala um !!!

Kæri Geir, svona byrjar hann bréf til Forsætisráðherrans fyrrverandi Geirs Hilmars Haarde,, " er það virkilega svo að Íslensk stjórvöld ætli án lagaheimildar að taka á sig stórkostlegar erlendar skuldbindingar."

Geir Hilmar var þá marg oft búinn að segja að þetta væri allt í ferli og ekkert væri að óttast nægar innistæður væru til fyrir þessum ICESAVE reikningum, jafnvel eftir að nýlenduþjóðin Bretland hafði sett á okkur hryðjuverkalög. Stoppað allt og og fryst alla fjármuni bankana.

Já hann endaði ræðu sína með að segja" Guð blessi Ísland"

Davíð Oddsson krafðist neyðarlaga og voru þau sett einn tveir og þrír, þá sátu þeri félagar Davíð,Árni og Geir saman, í jeppa  Davíðs Seðlabankastjóra og settu bankana endanlega á hausinn og yfirtóku þá alla smátt og smátt á nokkrum dögum.

Það kom síðar fram að það var ekkert í ferli, Geir Hilmar viðurkenndi í erlendum sjónvarpsþætti eins og fífl og sagði að hann hefði ekkert  samband haft við Gordon Brown, en hann hefði kannski átt að gera það.

Davíð Oddsson dreif síðan í því að skrifa undir samningana við Alþjóðagjaldeyrissjóðinn ásamt Fjármálaráðherranum Árna M Mathiesen.

Ekki var haft samband við formann Samfylkingar  um samninginn nema í mýflugumynd og þá ekki Viðskiptaráðherran en hann og Davíð höfðu ekki talað saman í meira en ár.

Það voru því þessir valdamenn Íslenskt þjóðarinnar Davíð Oddsson, Geir Hilmar Haarde og Árni M Mathiesen sem fóru úr límimngunum og sömdu um ICESAVE með undirritun samninga við Alþjóðagjaldeyrissjóðsins.

Það er ekki eitt einasta orð að marka Davíð Oddsson, hann segir eitt núna en allta annað fyrir níu mánuðum.

Þetta viðtal við hann  í Sunnudagsblaði Morgunblaðsins er bara til skammar.

Enda heyrist ekki eitt einasta orð frá Sjálfstæðismönnum.

Þetta finnst mér.

Örlagavaldurinn í Íslensku þjóðlífi kann ekki að skammast sín !!

Það er alveg ljóst í viðtali Agnesar Bragadóttur við Davíð Oddsson, að þar kemur í ljós hin brenglaði sjálfumglaði, illviljaði hroki, að kenna öllum öðrum um ákvarðanir, hans eigin undanfarna áratugi .

Hið skítlegaeðli sýnir sig svo sannarlega.

Maðurinn sem sökkti Íslandi á kaf með einkavinagjöfum og einnkavinavæðingunni, Bankavæðingunni, sölu ríkisfyrirtækjana, eins og Símans,VÍS og fl. kennir öllum öðrum en sér og fylgisvinum sínum í gegnum tíðina um hvernig komið er.

Neitaði að axla ábyrgð,neitaði að víkja þegar stjórnvöld óskuð eftir því.

Setja varð sérstök lög  til að koma þessum sjálfumglaða einræðisherra frá.

Nú er þetta Samfylkingunni og Vinstri Grænum að kenna hvernig komið er,kann þessi maður ekki að skammast sín.

Þarf ekki bara að láta þennan man í greiningu hann gengur augsýnilega ekki heill til skógar ?

 Þvílkur uppspuni og lýgi sem þarna er á ferðinni, búið er að aflétta leynd á fjölda skjala sem sýna allt annað en Davíð Oddsson segir.

Það er bara krafa mín að sérstakur saksóknari láti handtaka Davíð Oddsson,Halldór Ásgrímsson, Árna M Mathiesen, Geir H Haarde,Valgerði Sverrisdóttur,Þorgerði Katrínu Gunnarsdóttur,Björgvin Sigurðsson,Finn Ingólfsson,Björgólf Guðmundsson, Hannes Smárasson, Jón Ásgeir Jóhanesson,Styrmir Gunnarsson,Bjarna Ármannson,Sigurð Einarsson  og setja þetta fólk á bakvið lás og slá meðan verið er að rannsaka þeirra þátt í því  gjaldþroti sem Ísland er í dag.

Ég mun svo sannarlega skrifa meira um þetta mál á næstu dögum.

Þetta finnst mér.