Afsakið, Afsakið... ég axla ábyrgð !!!!!!

Þetta er bara ótúlegt "Fokking Fokk".

Geir Hilmar og Ingibjörg Sólrún biðjast afsökunar á  framferði sínu í síðasta stjórnarsamstarfi.

Og Geir Hilmar reyndar líka á framferðii sínu með Framsóknarhækjuna sér við hlið  þegar mest allar afdrifaríku ákvarðanir síðasta áratugs voru teknar.

Ákvarðanir sem hafa leitt Ísland í gjaldþrot.

En Geir Hilmar hlífir einum mesta valdníðingi allra tíma við að biðjast afsökunar, hrokagikknum sem þurfti að koma í burtu með setningu laga, nokkuð sem þingmenn Sjálfstæðisflokksins stóðu fyrir sjálfir.

Sama var um Ingibjörgu Sólrúnu hún gleymdi sér alveg í einkaþotufluginu.

Afsökunarbeiðni er bara ekki trúverðug.

Og það er ekkert af þessu fólki að axla einhverja ábyrgð.

Ef það væri að axla ábyrgð mundi það láta sig hverfa.

En það gerir það ekki reynir að troða sér í framboð alstaðar og notar flokksvélina, flokkseigandafélögin sér til framdráttar þetta fólk kann ekki að skammast sín.

Meira segja Kúlulánaspekulantar, sem sérstakur saksóknari ætlar að yfirheyra og er samdóma álit allra um að sá gjörningur sé algjörlega siðlaus og jafnvel lögbrot, skiptir þetta fólk ekki neinu máli.

Það bíður sig fram engu síður.

Verkalýðshreyfinginn algjörlega búinn að drulla á sig með að hleypa þessu Hagfræðingahópi að kjötkjötlum verkafólks,

 Lífeyrisjóðirnir í rúst, launamál fólks í algjöru bulli.

 Hálaunastefna ASÍ meðal æðstu stjórneda alveg í anda Viðskiptaráðherrans sem finnst ekki neitt athugavert við laun skilanefndarmanna með 3.2 miljónir á mánuði.

Sjáum bara hvað gerðist hjá HB Granda.

Hverjir tóku þar í taumana, jú Almenningur.

Ekki Verkalyðsforusta ASÍ.

Nei nú er nóg komið, því var lofað af þessari ríkistjórn að kosningalögum yrði breytt og komið á persónukosningum.

Lygi....Lygi... Lygi pólitísk refskák og hrossakaup, vegna hræðslu um að detta af þingi letu þau loforð gufa upp.

Ég segi stoppum þetta ferli setjum í gang aftur mótmæli með öllum þeim krafti sem hægt er að gera stoppum þessar flokksvina kosningar af.

Fáum þessar breytingar sem barist var fyrir.

Jóhanna Sigurðardóttir kröfur byltinarinnar eru ekki til sölu og eru ekki umsemjanlegar.

Þetta finnst mér.

Fimmtán ára MS sjúklingi neitað um lyf !!!

Í helgarblaði DV er fjallað um hina fimtán ára Hörpu Sóleyju Kristjánsdóttur sem hefur greinst með hin hræðilega sjúkdóm MS.

 Hún öðlaðist nýlega von um bjarta framtíð þegar hún fékk samþykki fyrir nýju lyfi Tysabri, það breyttist á augabraði í reiði og hræðslu þegar henni var neitað um lyfið á síðustu stundu.

Þetta er svo dýrt lyf að Heilbrigðisráðuneytið hefur ákveðið að þetta sé eitt af því sem eigi að spara.

 Hver anskotinn er þetta, er ekki komin tími til að hreinsa til í þessu auma embættismannakerfi ,sem ekki sér þörf á þessuí heilbrigðisþjónustu  fyrir MS og eru því tilbúin að sem leggja líf nokkra tugi manna í rúst.

Nei það er t.d. meiri ástæða að hafa stjórnendur skilanefndana á 3.2 miljóna launum á mánuði.

Hverskonar rugl er þetta látið þetta fólk sem þarf á þessu lyfi að halda fá það strax.

Þetta finnst mér.

Geir Hilmar mígur upp í vindinn og stendur í vindáttinni !

Geir Hilmar Haarde telur upp á Landsfundi Sjálfstæðisflokksins þau mistök sem hann og Sjálfstæðisflokkurinn gerðu í átján ára sjálftökugræðgi og einkavinavæðingu samflokksfélaga hans.

En auðvitað var meiri parturinn af þessari ógjæfu Sjálfstæðismanna, Framsóknarflokknum að kenna …

Halló Geir Hilmar Haarde hefur þú ekkert lært, ertu ekki í sama landi og við hin eða hvað ?

Hann bað Sjálfstæðismenn afsökunar á mistökum sínum og var þá klappað rosalega.

En það þarf ekki að biðja þjóðina afsökunar….nei hún skilur ekki svona flokksvinahjal.

Háværar raddir alstaðar úr þjóðfélaginu voru um að mynduð yrði þjóðstjórn en það var einmitt Geir Hilmar Haarde sem  sagði að slíkt kæmi ekki til greina.

Geir Hilmar Haarde stóð glaðbeittur að einkavinavæðingunni.

Ég axla mína ábyrgð segir hann en hvaða ábyrgð er hann að axla spyr ég hann er ekki að gera neitt nema tala.

Hann hættir í stjórnmálum einungis á sínum eigin forsentum og er bara að axla ábyrgð sina gagnvart fjölskyldunni.

Þessi landsfundarræða Geirs Hilmars Haarde var eitt mesta bull og þrugl sem maður hefur heyrt lengi og er bara svört fjöður í slóð Geirs Hilmars Haarde.

Þjóðin bíður enn eftir að Sjálfstæðisflokkurinn biðji þjóðina afsökunar á þessum málum sem búin eru að koma Íslandi í gjaldþrot.

Annars er þetta bara lögreglumál finnst mér.

Það er þess vegna mjög við hæfi að sýna Kardimommubæinn (Reykjavíkurbæinn) núna en Sjálfstæðisflokkurinn er einmitt einn af tákngerfingum þess bæjar sem einn af ræningjunum.

Þetta finnst mér.

Mistök gerð við einkavæðingu

Kristján Þór næsti formaður Sjálfstæðisflokksins !

Flokkseigendafélagið innan Sjálfstæðisflokksins mun bíða afhroð í kosningum á Landsfundi Sjálfstæisflokksins.

Menn eru að horfa til þess að formaðurinn hefur alltaf komið af Reykjavíkursvæðinu.

Þá eru Sjálfstæðismenn í Kraganum og víðar margir hverjir mjög ósáttir með framboðslistana, telja lokavinnubrögð við þá séu í anda flokkseigendafélagsins en ekki lýðræðis.

Þar sem krafan í þjóðfélaginu er öll á þann veg að skipta út þessum aðiðilum sem tóku þátt í að koma okkur í þessa stöðu , en láta sér ekki segjast og raða sér á lista í prófkjörum.

Þá er framboð Kristjáns Þórs svar landsbyggðarinnar gegn ofurfrjálshyggju - og flokkseigendadýrkun félaga á höfuðborgarsvæðinu.

Það eru því allar líkur á því að Kristján Þór verði næsti formaður Sjálfstæðisflokksins.

Það er mikill aumingjaskapur hjá Sjálfstæðismönnum að bjóða ekki fram nýjan varaformann lika.

Þetta finnst mér.

Geir kvaddi á Alþingi

Er Forseti ASÍ að ljúga upp í opið geðið á fólki ?

Sagt er frá því í DV í dag að Vigdís Hauksdóttir lögfræðingur hjá ASÍ hafi þurft að hætta störfum sjá samtökunum þegar hún tók oddvitasæti Framsóknarflokksins í Reykjavík Suður.

Hún gat ekki fengið launalaust leyfi.

En Magnús Norðdal  yfirlögfræðingur ASÍ sem skipar  sjötta sætið fyrir Samfylkinguna í Reykjavík heldur áfram störfum.

Á visir.is er yfirlýsing frá Gylfa Arnbjörnssyni og er hér smá úrdráttur úr henni.

“Gylfi Arnbjörnsson forseti ASÍ segir að Vigdís Hauksdóttir hafi óskað eftir starfslokum hjá sambandinu. Þetta kemur fram í yfirlýsingu frá Gylfa en þar segir einnig að Alþýðusamband Íslands hafni því alfarið að Vigdís hafi verið látin gjalda stjórnmálaskoðana sinna.”

“Þá segir hann að þau hafi rætt málin í mikilli vinsemd og niðurstaðan hefði verið sú að það færi ekki saman að leiða framboðslista stjórnmálaflokks og vera starfsmaður Alþýðusambandsins.”

Ég kaupi þetta ekki.

Forsetar ASÍ og stjórnarmenn í ASÍ hafa verið þingmenn og ráðherrar og verið frá tímabubndið meðan þeir hafa sinnt störfum á Alþingi, má Nefna Björn Jónsson, Eðvarð Sigurðsson, Guðmund J Guðmundsson og fl og fl.

Er Forseti ASÍ að ljúga upp í opið geðið á okkur ?

Jú mér finnst flokkspólitísk skítalykt af þessu máli.

Þetta finnst mér.

Ráðherradóttir situr í varastjórn Fjármálaeftirlitsins !!!!

Á DV.is er sagt frá því að Davið Oddsson skipaði ráðherradótturina í varastjórn FME fyrir stuttu síðan.

“Nokkra athygli hefur vakið að Guðrún Ögmundsdóttir, hagfræðingur og dóttir Ögmundar Jónassonar heilbrigðisráðherra, hafi nýverið verið skipuð í varastjórn Fjármálaeftirlitsins.

Guðrún varð nú nýlega þrítug og hefur bæði starfað í Seðlabankanum sem og hjá greiningardeild Kaupþings.

Samkvæmt frétt á pressan.is var Guðrún skipuð í stjórn Fjármálaeftirlitsins samkvæmt tilnefningu frá Seðlabanka Íslands. Mun tilnefningin hafa verið gerð í tíð fyrrverandi bankastjórnar, undir forystu Davíðs Oddssonar formanns bankastjórnarinnar.”

Já auðvitað skiptir það miklu máli að hafa innherja á svona stað, ég spyr bara er ekki ráðherradóttirinn orðin vanhæf vegna setu pabba gamla í ríkistjórn ?

Þetta finnst mér.

Þið eruð rekin !!!!

Starfsfólk ICEBANK var að halda árshátíð sína í kvöld.

Þegar Viðskiptaráðherran löðrungaði starfsfólkið, með yfirlýsingu um því yrði að öllum líkindum sagt upp störfum.

Þá birtust skilaboð í fjölmiðlum frá Gylfi Magnussyni Viðskipatráðherra sem sagði næstum því brosni röddu mér þykir það leitt en meirihluti starfsfólks ICEBANK verður rekið.

Og Gylfi Magnússon hélt áfram á blaðamannafundinum, “hugur minn er sko hjá þessu fólki”.

Mér finnst þetta ótrúleg ósvífni að boða ekki til fundar strax starfsfólkinu og skýra málin.

Var ekki verið að biðja um að allt yrði upp á borðinu.

Þetta er ekki í lagi svona á ekki að koma fram við fólk.

Þetta finnst mér.

SPRON til Kaupþings

Davíð Oddsson talinn versti Seðlabankastjóri Evrópu !!!

Í helgarblaði DV er sagt frá því að Davíð Oddsson er talinn versti seðlabankasstjóri í Evrópu í umfjöllun viðskiptakálfs sænska blaðsins Dagens Nyheter í dag.

Þar er birtur listi yfir verstu Seðlabankastjóra í Evrópu:
“Næstur á listanum á eftir Davíð er Iimars Rimsevics, seðlabankastjóri Lettlands en þar er verðbólgan nú um 25 prósent. Næstir koma seðlabankastjórar Úkraínu, Póllands, Búlgaríu, Hvítarússlands og Rússlands.
Slawomir Skrzypek seðlabankastjóri Póllands hefur mótmælt útttekt Dagens Nyheter og telur forsendur blaðsins ósanngjarnar því ekkert sé fjallað um sjálft efnahagsástandið í landinu. DN segir aftur á móti að margir álitsgjafar telji að Skrzypek hafi vakið undrun og komið markaðnum í opna skjöldu með undarlegum ummælum og aðgerðum sem bæru vitni um vanþekkingu.”

Enginn er talinn ógna Davíð á þessum vafasama lista yfir verstu seðlabankastjórana.

Enn ein svartafjöðrinn í hatt Davíðs Oddssonar.

Athyglisvert en kom mér ekki svo á óvart.

Þetta finnst mér.

Af hverju er fólk í framboði sem þjóðin vill ekki á Alþingi !!!!!!

Stór hluti þeirra aðila sem bjóða sig fram núna til þings er fólk sem á stóran þátt í því hvernig komið er í Íslensku þjóðfélagi.

En er bara algjörlega siðblint og skilur ekki að það þarf að breyta hlutunum.

En mótmælin og átökin snérust um það. Fá gegnsæi og afnema alla leynd og draga menn til ábyrgðar.

En ekkert breytist sama fólk og áður var í efstu sætum treður sér í efstu sætin aftur.

Það ákveður sig í framboð  og vill ákveðið sæti á listanum neitar jafnvel að taka sæti sem því hlotnast eftir kosninguna.

Vonandi gerist það ekki eftir næstu kosningar að fyrrverandi ráðherrar þá fái að verma ráðherrastóla. Eins og Björgvin Sigurðsson, Þórunn Sveinbjarnardóttir, Össur Skarphéðinnson, Ásta Ragnheiður, Kolbrún Halldórsdóttir,

Hvað þarf eiginlega að gera til að fletta ofan af stjórnmálamönnum, ráðherrum, verklýðsforingjum, athafnamönnum, dómururm og hinum ýmsu stofnunum og ráðuneytum.

Það er augljóst að t.d. sérstökum Saksóknara er bara skömtuð gögn frá stofnunum og bönkunum.

Valdamenn í þjóðfélaginu draga lappirnar í upplýsingaflæði til almennings meira að segja ný ríkistjórn er farin að draga úr upplýsingaflæði líka og ekki ástæða til að aflétta bankaleynd.

Gegnsæi minnkar og maður hefur núna á tilfinningu að verið sé að verja enhverja mjög háttsetta aðila í samfélaginu.

Þetta finnst mér.

Málþóf og tafir Sjálfstæðismanna á Alþingi skiluðu Sjálfstæðisflokknum þessu fylgi !!!!

Mikið er ég ánægður með niðurstöður úr þessari könnun MBL og RUV. Sjálfstæðisflokkurinn er á góðri leið að tapa fylgi og Framsóknarflokkurinn er að tapa fylgi vegna tafa og allskonar krafna og málatilbúnings í nefndum þingsins.

Ef þetta verða úrslitin í vor þá geta þessir flokkar ekki myndað ríkistjórn.

En þetta er eingöngu skoðanakönnun  og ekki má vanmeta þessi öfl, því oft hefur það gerst að undan steinum og útúr skúmaskotum hafa skotist fólk sem styður þessi öfl á kjördegi.

Við þekkjum þessi 30 -40 % sem ekki vilja gefa upp hverja þau kjósa.

Frjálslyndiflokkurinn er að hverfa samkvæmt þessari spá enda er ekki fýsilegir einstaklingar í forsvari fyrir flokkinn finnst mér.

Öll þeirra ráð eru á brunaútsölu og eru ekki til stórræðana í dag og hefðu menn átt að taka mun fastar í árarnar í þeim flokki og gerbreyta stefnunni í anda þess sem er að gerast.

 En Frjálslyndiflokkurinn vill frekar vera einn af fjórflokkunum því miður.

Það verða því Vinstri Grænir og Samfylkingin sem mynda næstu ríkistjórn ef þessi spæa gengur eftir.

Gæti verið að eitthvað sérframboð kæmi fram og kæmi manni að gæti verið Kristinn H Gunnarsson hef heyrt að hann sé að skoða það mál, hann hefur svos em gert það áður.

Þetta er bara spennandi.

Þetta finnst mér.

Samfylking og VG með samtals 55,8% - 38 þingmenn